kutubhona

ҳам биз бу ҳарфларни сураларнинг номлари атаб, Алиф лом мим Бақара сураси, Ясин сураси, деб гапирамиз. Ва ҳоказо...27

Энди уларнинг арабларни беллашувга чақириш маъносини ҳам англатишларига келсак, бу ҳарфлар ўша араблар ишлатадиган ҳарфлар билан уларнинг диққатини тортяпти. Араблар худди шу ҳарфларни ишлатганларига қарамасдан Қуръоннинг ўхшашини, унинг бир сурасининг ўхшашини келтира олмадилар. Бундан ташқари одатда оми одам алиф, лом, мим, демайди, балки о, ил, им, деб гапиради. Фақат саводли одамгина алиф, лом, мим, деб ҳарфларнинг номларини тўла айта олади. Ўзларининг ораларида ўсиб улғайган Пайғамбар с.а.в.нинг оми эканликларини улар жуда яхши билардилар. Мана шунинг ўзи уларни мот қилиш, уларга қарши ҳужжат келтириш, уларни беллашувга чақириш эмасми?

ذَلِكَ الْكِتَابُ لاَ رَيْبَ فِيهِ هُدًى لِّلْمُتَّقِينَ
– „(Ҳақ эканлигига) ҳеч қандай шак-шубҳа бўлмаган ушбу Китоб тақволи кишилар учун ҳидоятдир“. [2:2]
Аллоҳ Таоло уларнинг диққат-эътиборларини кейинги оятларни эшитишга жалб қилиб олганидан кейин уларга мана шу Китобнинг ҳақиқатини, моҳиятини билдирди.

У яъни, сизларга тиловат қилинаётган Китоб ҳақиқатда Аллоҳ Таоло томонидандир. Унинг оятлари тақводорлар учун ҳидоятдир. У билан ҳидоят топадиганлар, ундан фойдалана биладиганлар тақводорлардир. Мантуқ жиҳатидан шундай. Мафҳум жиҳатидан эса шу оятлар билан ҳидоят топган кимсалар тақводорларга айланадилар. (Мантуқ гапнинг уст маъноси, мафҳум эса таг маъноси).

Тақводор мусулмонлар бу Китобнинг оятлари билан ҳидоят топадилар ва ҳидоятларини зиёдалаштирадилар. Унинг оятлари билан ҳидоят топган кофирлар эса имон келтириб, тақводорлар сафига қўшиладилар. Мана шу маънога кўра, оятнинг

لاَ رَيْبَ
(ҳеч қандай шак-шубҳа бўлмаган), деган жойида тўхталади. Яъни, оят мана бундай бўлади.

ذَلِكَ الْكِتَابُ لاَ رَيْبَ فِيهِ هُدًى لِّلْمُتَّقِينَ

(27) Араб тилида исм аломатлари марифа алиф ломи, нидо йоси ва от келишиги (хабар)да бўлади. Хабар арабларда исмнинг муҳим аломатларидан биридир. Ушбу хабар бу ерда мана шу ҳарфларга ҳам тўғри келади. Чунки ذلك الكتاب ўзидан аввалги آلمнинг хабаридир.